அணு உலையின் கதிர்வீச்சு செர்னோபில் அளவுக்கு உயர்த்தப்பட்டது

ஜப்பானில் கடந்த மாதம் 11ஆம் தேதி ஏற்பட்ட பயங்கர நிலநடுக்கம் மற்றும் ராட்சத சுனாமியால் பாதிக்கப்பட்ட ஃபுகுஷிமா டாய்ச்சி அணு உலையின் கதிர்வீச்சு அபாய அளவு 5-இலிருந்து 7-ற்கு உயர்த்தப்பட்டுள்ளது.

அதாவது 1986ஆம் ஆண்டு ரஷ்யாவின் செர்னோபில் அணு உலையில் ஏற்பட்ட விபத்தின் அபாயத்திற்கு ஒப்பானது இது என்று ஜப்பான் அணுசக்திப் பாதுகாபு ஆணைய அதிகாரி ஒருவர் ஜப்பான் தொலைக்காட்சியில் தெரிவித்துள்ளார்.

7 என்பது சர்வதேச அளவில் மிகவும் அபாயகட்டமாகும். மேலும் இது பெருத்த விபத்து மற்றும் அதனால் ஏற்படும் பரவலான மோச விளைவுகள் என்பதையும் குறிக்கிறது.

காற்று, காய்கறி, குழாய் நீர், கடல் நீர் என்று கதிர்வீச்சின் வீச்சு பரல்வலாகி வருவதால் இந்த அபாய கட்டம் அறிவிக்கப்பட்டுள்ளது.

மேலும் அணு உலையில் இந்த பூகம்பத்தினால் ஏற்பட்ட விளைவுகளினால் விண்வெளியில் காற்றோடு கலக்கும் அணுக்கதிர்வீச்சின் அளவு 7-வது அபாயக் கட்ட அளவை ஒத்திருக்கிறது என்று கூறப்படுகிறது.

செர்னோபில் அணு விபத்தினால் அதனைச் சுற்றியுள்ள 19 மைல் அல்லது 30 கிமீ சுற்றுப்பரப்பளவு பகுதிகள் மனிதர்கள் வாழ்வதற்கு முற்றிலும் லாயக்கறதாகி விட்டது.

இப்போது ஃபுகுஷிமா டாய்ச்சி அணு உலைகளின் கதிர்வீச்சு அந்த நிலமைகளை எட்டியுள்ளது பெரும் கவலையளிப்பதாக உள்ளது என்று அந்த நாட்டு அணுசக்திப் பாதுகாப்பு அமிப்பு தெரிவித்துள்ளது.
thanks to  http://tamil.webdunia.com/newsworld/news/international/1104/12/1110412016_1.htm

read more...

இந்தியாவின் முதல் அணுஉலை நீர்மூழ்கி கப்பல்:

அணுஉலை நீர்மூழ்கி கப்பல்:
இந்திய கடற்படையில் அணுசக்தி மூலம் இயங்கும் முதல் நீர்மூழ்கி கப்பலை இணைக்கும் விழா விசாகப்பட்டினத்தில் நடந்தது. பிரதமர் மன்மோகன் சிங், அவரது மனைவி குருசரண் கௌர் ஆகியோர் நீர்மூழ்கிக் கப்பலை தொடங்கி வைத்தார்.

‘ஐ.என்.எஸ். அரிஹந்த்’ எனப் பெயரிட்டுள்ள இந்த கப்பல் 104 மீட்டர் நீளம், 10 மீட்டர் அகலம் கொண்டது. இதில் 80 மெகாவாட் அணு உலை உள்ளது. இதை கல்பாக்கம் அணுமின் நிலையம் வடிவமைத்தது.

இந்த கப்பலை உருவாக்க ரூ.14 ஆயிரம் கோடி செலவாகி உள்ளது. அணு சக்தி நீர்மூழ்கி கப்பல் உலகில் 5 நாடுகளிடம் மட்டுமே உள்ளது. அந்தப் பட்டியலில் தற்போது இந்தியாவும் சேர்ந்துள்ளது. இந்த நிகழ்ச்சியில் ராணுவ அமைச்சர் ஏ.கே.அந்தோனி, ஆந்திர முதல்வர் ராஜசேரரெட்டி ஆகியோர் கலந்து கொண்டனர்.நன்றி :http://tamil.webdunia.com/newsworld/news/national/0907/26/1090726010_1.htm
READ MORE...

ஆந்திர மாநிலம் விசாகப்பட்டினம் கடற்படைத் தளத்தில் உள்ள மேம்படுத்தப்பட்ட தொழில்நுட்ப வாகனங்கள் தயாரிப்பு நிறுவனத்தில் கட்டப்பட்டுள்ளது ‘அரிஹந்த்’ நீர்மூழ்கிக் கப்பல், 112 மீட்டர் நீளமும் 6 ஆயிரம் டன் எடையும் கொண்டது.அணுசக்தியில் இயங்கக்கூடிய நீர்மூழ்கிக் கப்பலை அறிமுகப்படுத்தியிருப்பதன் மூலம், நிலம், வான் மற்றும் கடல் ஆகிய மூன்று மார்க்கங்களிலும் தனது அணுசக்தித் திறனை இந்தியா வெளிப்படுத்தியிருக்கிறது.

இதன் மூலம், அமெரிக்கா, ரஷ்யா, ஃபிரான்ஸ், பிரிட்டன் மற்றும் சீனா ஆகிய ஐந்து கப்பலைத் தயாரிக்கும் தொழில்நுட்பத்தைப் பெற்ற நாடுகள் வரிசையில் சேர்ந்துள்ளது.

இந்த நிகழ்ச்சியில் பேசிய பிரதமர் மன்மோகன் சிங், எந்த ஒரு நாட்டையும் அச்சுறுத்தும் நோக்கம் இந்தியாவுக்கு இல்லை என்றும், அதே நேரத்தில் தனது நாட்டின் பாதுகாப்புக்குத் தேவையான அனைத்து நடவடிக்கைகளையும் எடுக்க வேண்டியது அவசியம் என்றும் தெரிவித்தார்.

கடல் மார்க்கமான பாதுகாப்பு மிகுந்த அவசியமாக மாறிவரும் தற்போதைய சூழ்நிலையில், இந்தியாவும் அதற்கு ஏற்றபடி தனது பாதுகாப்பு தயார் நிலையை மாற்றிக் கொள்ள வேண்டியது முக்கியம் என மன்மோகன் சிங் தெரிவித்தார்.

உள்நாட்டிலேயே உருவாக்கப்பட்ட தொழில்நுட்பத்துடன் கூடிய இந்த அணுசக்தி நீர்மூழ்கிக் கப்பலைத் தயாரித்துள்ள இந்திய விஞ்ஞானிகள், தொழில்நுட்ப நிபுணர்கள் மற்றும் பாதுகாப்பு அதிகாரிகள் பல தடைகளைக் கடந்து, இந்தியா இந்த தொழில்நுட்பத்தைப் பெற்று சாதனை படைக்க உதவிகரமாக இருந்திருக்கிறார்கள் என்று பிரதமர் பாராட்டுத் தெரிவித்தார்.

முக்கியமாக, அரசு மற்றும் தனியார் துறையின் கூட்டு முயற்சியின் மூலம் இந்த நீர்மூழ்கிக் கப்பலை தயாரித்திருப்பது மிகுந்த மகிழ்ச்சியளிப்பதாக மன்மோகன் சிங் தெரிவித்தார்.

ரஷ்யாவின் ஒத்துழைப்புக்கு நன்றி தெரிவித்த பிரதமர், அவர்களின் உறுதியான ஆதரவு, இரு நாடுகளுக்கும் இடையில் கேந்திர முக்கியத்துவம் வாய்ந்த ஒத்துழைப்பு வலுவாக இருப்பதை கோடிட்டுக் காட்டுவதாகத் தெரிவித்தார்.

இந்தியாவின் பாதுகாப்புப் படைகள் நாட்டைப் பாதுகாக்கும் பணியில் ஈடுபடும் அதே நேரத்தில், அவர்களுக்குத் தேவையான நவீன தொழில்நுட்பங்கள் அனைத்தும் கிடைப்பதற்கு அரசு உரிய ஆதரவை அளிக்கும் என்றும் பிரதமர் மன்மோகன் சிங் தெரிவித்தார்.

THANKS TOhttp://www.alaikal.com/news/?p=19488#more-19488

read more...