அதிமுக கூட்டணியில் இருந்து பார்வர்டு பிளாக் விலகவில்லை: பி.வி.கதிரவன்

அகில இந்திய பார்வர்டு பிளாக் கட்சியின், மாநில தலைமை செயற்குழு கூட்டம் மாநில துணைத்தலைவர் பாலகிருஷ்ணன் தலைமையில் நேற்று நடந்தது.
இக்கூட்டத்தில் நிறைவேற்றப்பட்ட தீர்மானங்கள் குறித்து பொதுசெயலாளர் பி.வி.கதிரவன் செய்தியாளர்களிடம்,’’மதுரை விமான நிலையத்துக்கு பசும்பொன் முத்துராமலிங்கத் தேவரின் பெயரை சூட்டுவதற்கு மாநில அரசின் ஒப்புதலுடன் மத்திய அரசு பரிசீலனை செய்ததற்கு நாங்கள் நன்றி தெரிவிக்க கடமைப்பட்டுள்ளோம்.

ஆனால் காலதாமதம் செய்யாமல் தரம் உயர்த்தும் பணிகள் முடிந்து திறப்பு விழா காணும் விமான நிலையத்துக்கு அந்த விழாவிலேயே முத்துராமலிங்கத் தேவரின் பெயரை சூட்ட வேண்டும்.

எங்கள் கட்சி தொடர்ந்து அ.தி.மு.க. கூட்டணியில் இருந்து வருகிறது. வருகிற சட்டமன்ற தேர்தலிலும் அந்த கூட்டணி தொடரும்.

கடந்த 4-ந் தேதி தேனியில் நடந்த ஒரு கூட்டத்தில் எடுக்கப்பட்ட முடிவின்படி அ.தி.மு.க. கூட்டணியில் இருந்து பார்வர்டு பிளாக் விலகி விட்டதாக ஒரு பொய்யான செய்தியை சிலர் கூறி வருகிறார்கள். அது உண்மையல்ல.

விலைவாசி உயர்வுக்கு எதிராக அ.தி.மு.க. சார்பில் மதுரையில் நடத்தப்படும் கண்டன ஆர்ப்பாட்டத்தில் எங்கள் கட்சியினர் கலந்து கொள்வார்கள்.

அடுத்தமாதம் (அக்டோபர்) 30-ம் தேதி பசும்பொன் முத்துராமலிங்கத் தேவரின் ஜெயந்தி விழாவை சிறப்பாக நடத்த தீர்மானித்துள்ளோம்’’என்று தெரிவித்தார்.

thanks http://www.nakkheeran.in/users/frmNews.aspx?N=39264