இந்திய ஜனநாயக கட்சியில் தேவர் அமைப்பினர் இணைந்தனர்

திவு செய்த நாள் : அக்டோபர் 25,2010,22:54 IST

சென்னை:இந்திய ஜனநாயக கட்சியில், தேவர் சமூக பாதுகாப்பு கூட்டமைப்பை சேர்ந்த ஏராளமானோர் சென்னையில் அக்கட்சியின் நிறுவனர் பச்சமுத்து முன்னிலையில் நேற்று இணைந்தனர்.இந்திய ஜனநாயக கட்சியில், காஞ்சி, செங்கல்பட்டு மற்றும் திருவள்ளூர் ஆகிய மாவட்டங்களை சேர்ந்த தேவர் சமூக பாதுகாப்பு கூட்டமைப்பினர் இணையும் விழா சென்னையில் நேற்று நடந்தது. விழாவில், தேவர் சமூக பாதுகாப்பு கூட்டமைப்பு ஒருங்கிணைப்பாளர் முத்துபாரதி தலைமையில் ஏராளமானோர், இந்திய ஜனநாயக கட்சியில், அதன் நிறுவனர் பச்சமுத்து முன்னிலையில் இணைந்தனர்.

இந்திய ஜனநாயக கட்சி நிறுவனத் தலைவர் பச்சமுத்து பேசியதாவது:முத்துராமலிங்க தேவர் போன்ற நல்ல தேசிய தலைவரை தந்த சமூகத்திலிருந்து ஏராளமானவர்கள், இந்திய ஜனநாயக கட்சியில் இணைந்தது மகிழ்ச்சி அளிக்கிறது. சுதந்திரத்திற்கு பின், ஜனநாயகம் இருப்பதாக கற்பனை செய்து தான் வாழ்ந்து கொண்டிருக்கிறோம். உண்மையில் ஜனநாயகம் நாட்டில் இல்லை. அறிவுடையவர்கள் எல்லாரும் அரசியலை விட்டு வெளியே நின்று கொண்டிருக்கின்றனர்.

தேவையான நேரத்தில், பொதுமக்களிடம் தொலைநோக்கு பார்வை வேண்டும். அரசியல் என்பது அனைவருக்கும் பொதுவானது. குடும்ப தேவையை பூர்த்தி செய்ய நினைத்தவர்கள், அரசியலுக்கு வந்ததால் தான், தற்போது பொதுமக்கள் அவதிப்படுகின்றனர்.இவ்வாறு பச்சமுத்து பேசினார்.எம்.ஜி.ஆர்., மருத்துவ கல்லூரி முன்னாள் துணைவேந்தர் ராஜா, தவத்திரு.முத்துகுமார சுவாமி தம்பிரான் மற்றும் இந்திய ஜனநாயக் கட்சி தலைவர் கோவைத் தம்பி உட்பட ஏராளமானோர் நிகழ்ச்சியில் பங்கேற்றனர்.

thanks to http://www.dinamalar.com/News_Detail.asp?Id=113659