வடக்கில், மன்னார் மற்றும் வவுனியா பகுதிகளில் சிறிலங்காப் படையினராலும், விடுதலைப் புலிகள் அமைப்பினராலும் புதைக்கப்பட்டுள்ள கண்ணிவெடிகளை அகற்றும் பணியில் 2003 ஆம் ஆண்டு தொடக்கம் ஈடுபட்டுள்ள இந்தியப் படையினருடன் புதிதாக வந்துள்ள முன்னாள் படையினரும் இணைந்துகொள்வார்கள். தற்போது அனுப்பிவைக்கப்பட்டுள்ளவர்களில் 50 பேர் பூனேயைத் தளமாகக்கொண்டுள்ள ஹொரைஸோன் குழுவைச் சேர்ந்தவர்கள். 32 பேர் ஹரியானாவைத் தளமாகக்கொண்டுள்ள சர்வத்ரா தொழில்நுட்ப ஆலோசனை நிறுவனத்தைச் சேர்ந்தவர்கள். இந்த நிறுவனத்தைச் சேர்ந்த மேலும் 32 பேர் மற்றொரு குழுவாக விரைவில் அனுப்பிவைக்கப்படுவார்கள் எனவும் தெரிவிக்கப்பட்டுள்ளது. READ MORE...
இவர்கள் அனைவரும் இந்திய தரைப்படையில் இருந்து ஓய்வுபெற்றவர்கள் எனவும், போருக்குப் பின்னரான சிறிலங்கா அரசின் மீள்கட்டுமாணப் பணிகளில் உதவுவதற்கு அக்கறை கொண்டவர்கள் எனவும் ஐ.ஏ.என்.எஸ். செய்தி நிறுவனம் மேலும் தெரிவித்திருக்கின்றது. இது தமக்குக் கிடைத்துள்ள ஒரு சிறப்பான சந்தர்ப்பம் என கண்ணிவெடிகளை அகற்றுவதற்காகத் தமக்குத் தரப்பட்ட வாய்ப்பையிட்டு மகிழ்ச்சி தெரிவித்த ஹெரைஸோன் நிறுவனத்தின் தலைவர் ஓய்வுபெற்ற மேஜர் ஜெனரல் சசிகாந்த் பிற்றி, "இலங்கையை கட்டியெழுப்புவதற்கான பங்களிப்பைச் செய்வதற்கான வாய்ப்புக் கிடைத்திருப்பதையிட்டு மகிழ்ச்சியடைகின்றோம்" எனவும் குறிப்பிட்டார். போர் நிறுத்த உடன்படிக்கை ஏற்பட்ட பின்னர் 2003 ஆம் ஆண்டு முதல் வன்னிப் பகுதியில் ஹெரைஸோன் மற்றும் சவட்ரா ஆகிய நிறுவனங்களால் மேற்கொள்ளப்பட்டுவரும் கண்ணிவெடிகளை அகற்றும் பணிக்கு நோர்வேயே நிதி வழங்கி வந்தது. பின்னர் போர் நிறுத்த உடன்படிக்கை முறிவடைந்து மீண்டும் போர் ஏற்பட்டபோதிலும், கண்ணிவெடிகளை அகற்றும் நடவடிக்கைகள் நிறுத்தப்படவில்லை. இந்திய நிறுவனங்களுக்கு மேலாக டென்மார்ககைச் சேர்ந்த நிறுவனம் ஒன்று உட்பட பல நிறுவனங்கள் கண்ணிவெடிகளை அகற்றும் பணியில் ஈடுபடுத்தப்பட்டுள்ளன. சிறிலங்கா தரைப்படையும் இந்தப் பணியில் பெருமளவில் ஈடுபடுத்தப்பட்டுள்ளது. இந்தக் கண்ணிவெடிகளை அகற்றும் பணி எவ்வளவு காலத்துக்கு நீடிக்கும் எனக் கேட்ட போது ஹொரைஸோன் நிறுவனத் தலைவர், ஒன்றரை முதல் இரண்டு வருடங்கள் வரையில் கண்ணவெடிகளை அகற்றுவதற்குத் தேவைப்படும் எனத் தெரிவித்தார். அதன்பின்னர் இப்பகுதியை மக்கள் வாழ்விடங்களாக மாற்றுவதற்கு மேலும் ஒரு வருடகாலம் செல்லும் எனவும் அவர் குறிப்பிட்டார் நன்றி http://www.puthinam.com/full.php?2bdVQB7fi2cc00c2Lu6ee4d44TG6Nicd0ebsrl0DJ34d33DcVXvab0bccbf7eA4ce0eY0Trc404b42kGp0Odde
| 
No comments:
Post a Comment